سَبِّحِ ٱسْمَ رَبِّكَ ٱلْأَعْلَى
اپنے پروردگار کے نام کی تسبیح کرو جس کی شان سب سے اونچی ہے۔
ٱلَّذِى خَلَقَ فَسَوَّىٰ
جس نے سب کچھ پیدا کیا اور ٹھیک ٹھیک بنایا۔
وَٱلَّذِى قَدَّرَ فَهَدَىٰ
اور جس نے ہر چیز کو ایک خاص انداز دیا، پھر راستہ بتایا۔
وَٱلَّذِىٓ أَخْرَجَ ٱلْمَرْعَىٰ
اور جس نے سبز چارہ (زمین سے) نکالا۔
فَجَعَلَهُۥ غُثَآءً أَحْوَىٰ
پھر اسے کالے رنگ کا کوڑا بنادیا۔
سَنُقْرِئُكَ فَلَا تَنسَىٰٓ
(اے پیغمبر) ہم تمہیں پڑھائیں گے پھر تم بھولو گے نہیں۔
إِلَّا مَا شَآءَ ٱللَّهُ ۚ إِنَّهُۥ يَعْلَمُ ٱلْجَهْرَ وَمَا يَخْفَىٰ
سوائے اس کے جسے اللہ چاہے۔ یقین رکھو وہ کھلی ہوئی چیزوں کو بھی جانتا ہے اور ان چیزوں کو بھی جو چھپی ہوئی ہیں۔
وَنُيَسِّرُكَ لِلْيُسْرَىٰ
اور ہم تمہیں آسان شریعت (پر چلنے کے لیے) سہولت دیں گے۔
فَذَكِّرْ إِن نَّفَعَتِ ٱلذِّكْرَىٰ
لہذا تم نصیحت کیے جاؤ، اگر نصیحت کا فائدہ ہو۔
سَيَذَّكَّرُ مَن يَخْشَىٰ
جس کے دل میں اللہ کا خوف ہوگا، وہ نصیحت مانے گا۔
وَيَتَجَنَّبُهَا ٱلْأَشْقَى
اور اس سے دور وہ رہے گا جو بڑا بدبخت ہوگا۔
ٱلَّذِى يَصْلَى ٱلنَّارَ ٱلْكُبْرَىٰ
جو سب سے بڑی آگ میں داخل ہوگا۔
ثُمَّ لَا يَمُوتُ فِيهَا وَلَا يَحْيَىٰ
پھر اس آگ میں نہ مرے گا اور نہ جیے گا۔
قَدْ أَفْلَحَ مَن تَزَكَّىٰ
فلاح اس نے پائی ہے جس نے پاکیزگی اختیار کی۔
وَذَكَرَ ٱسْمَ رَبِّهِۦ فَصَلَّىٰ
اور اپنے پروردگار کا نام لیا، اور نماز پڑھی۔
بَلْ تُؤْثِرُونَ ٱلْحَيَوٰةَ ٱلدُّنْيَا
لیکن تم لوگ دنیوی زندگی کو مقدم رکھتے ہو۔
وَٱلْءَاخِرَةُ خَيْرٌۭ وَأَبْقَىٰٓ
حالانکہ آخرت کہیں زیادہ بہتر اور کہیں زیادہ پائیدار ہے۔
إِنَّ هَٰذَا لَفِى ٱلصُّحُفِ ٱلْأُولَىٰ
یہ بات یقینا پچھلے (آسمانی) صحیفوں میں بھی درج ہے۔
صُحُفِ إِبْرَٰهِيمَ وَمُوسَىٰ
ابراہیم اور موسیٰ کے صحیفوں میں۔
آگے بڑھیں
اس سورت کو مزید گہرائی سے جانیں۔
تفسیر
تفسیر کا ساتھی
کسی بھی آیت کے نیچے «تفسیر» دبائیں، یا سطر بہ سطر سننے کے لیے چلائیں۔
معارف القرآن · انگریزی · مفتی محمد شفیع · انگریزی ایڈیشن، نظرِ ثانی زیرِ نگرانی مفتی محمد تقی عثمانی. متن quran.com سے، بالکل ویسا جیسا شائع ہوا۔
